Кеңес сарапшылары отырыс қорытындылары бойынша 20-дан астам шара қабылдады. 2025 жылдың 14 ақпанында Қордың Қоғамдық-консультативтік кеңесінің қазіргі құрамының өкілеттігі аяқталды. 2024 жылы оның құрамына белгілі қоғам қайраткерлері, денсаулық сақтау саласының сарапшылары, депутаттар, қаржы мамандары және азаматтық қоғамның басқа да өкілдері кірді.

МӘМС жүйесін жетілдіруге арналған ұсынымдар әзірлеу, сондай-ақ Қор қызметінің тиімділігін, ашықтығы мен айқындығын арттыруға атсалысу Кеңестің негізгі міндеттеріне жатады.
«ӘМСҚ» КЕАҚ басқарма төрағасының міндетін атқарушы Индира Саркенова МӘМС жүйесін жетілдіруге қосқан үлесі үшін ҚКК барлық мүшелеріне алғысын білдірді.

«Өткен жылы сіздер МӘМС жүйесі мен ТМККК-ға қатысты маңызды әрі өткір мәселелерді көтердіңіздер. Ашық диалог пен сындарлы пікірталас арқасында негізгі мәселелерді анықтап, оларды шешу жолдарын белгілеуге және жүйені жақсарту бойынша нақты қадамдар ұсынуға мүмкіндік туды. Бұл процеске қосқан үлестеріңіз ұшан-теңіз! Сондай-ақ МӘМС жүйесін қоғамда және БАҚ-та белсенді насихаттап жүрген азаматтарға ерекше алғысымды білдіремін. Халықты ақпараттандыру – денсаулық сақтауды дамытудың маңызды бөлігі, ал сіздердің еңбектеріңіз оны қолжетімді және тиімді етуге көмектеседі», – деп атап өтті Индира Саркенова.

Жуықта 2025 жылғы ҚКК жаңа құрамы жарияланады. Оны Қордың сайтындағы «Қоғамдық-консультативтік кеңес туралы» бөлімінен көре аласыздар.